झरना - साहित्यिक संसार

पहाडको शिखरबाट

 देखें झरेको जल ।

मेरो मनमा बत्ती बले

 हजारौं झलमल ॥

त्यो पानीको झरनामा

 शक्ति कति छ लुकेको ।

देख्‍न सके कति त्यसमा

 बत्ती बिजुली बलेको ॥

तर हाय त्यसै नै पग्ली

 पानी व्यर्थ बहन्छ ।

तत्त्व हामी जान्दैनौं

 भित्र भित्रै रहन्छ ॥

के हामी मानिसका

 हृदयका गिरिमा

छैनन् यस्तै अटूट

 निर्मल जलका झरना ?

हामीभित्र भए यदि यस्ता

 सुन्दर झरना हजार ।

हाय छ कस्तो अपशोच !

 अझ छ अँध्यारो संसार !

लेखक : लक्ष्मी प्राषद देवकोटा